Մեքսիկայում բախումներ են տեղի ունեցել ոստիկանների և ուսանողների միջև (լուսանկարներ)
Մեքսիկայի Գերերո նահանգում բախումներ են տեղի ունեցել ոստիկանության և ցուցարար ուսանողների միջև, որոնք 12 ավտոբուս են գրավել, գրում է Интерфакс-ը։
Նախնական տվյալներով՝ բախումների հետևանքով տուժել է 11 ոստիկան։
Ուսանողներին զայրացրել է քոլեջներից մեկի 43 ուսուցիչների առևանգման պետական հետաքննության ընթացքը։ Նրանց կարծիքով՝ հետաքննության արդյունքները կեղծված են կոռումպացված պաշտոնյաների կողմից։
Նախորդ տարվա սեպտեմբերի 26-ին 43 ստաժորներ մեկնել են Իգուալա քաղաք՝ գյուղական դպրոցների ուսուցիչների խտրականության դեմ պայքարելու համար, և անհետացել են։ Ըստ պաշտոնական վարկածի՝ նրանք բախվել են «Գերերոս Ունիդոս» քրեական խմբավորմանը։ Հանցագործները սպանել են երիտասարդ ուսուցիչներին և այրել նրանց մարմինները։
Սպանվածների հարազատները վստահ են, որ սպանությունը տեղի է ունեցել բարձրաստիճան պաշտոնյաների քրեական գործողությունները թաքցնելու պատճառով։



















