Օբաման և Մերկելը քննարկել են փախստականների հարցը
ԱՄՆ նախագահ Բարաք Օբաման և Գերմանիայի կանցլեր Անգելա Մերկելը սեպտեմբերի 22-ին կայացած հեռախոսազրույցի ընթացքում քննարկել են Եվրամիության տարածքում ներգաղթային ճգնաժամի հարցը։
Ինչպես տեղեկացնում է РИА Новости գործակալությունը, այդ մասին ասված է Սպիտակ տան տարածած հաղորդագրության մեջ:
«Երկու երկրների առաջնորդները պայմանավորվել են համաեվրոպական համագործակցության անհրաժեշտության շուրջ, համաձայն որի Եվրոպական միության անդամ բոլոր երկրները պետք է ընդունեն փախստականների իրենց արդար բաժինը»,-ասված է հաղորդագրության մեջ:
Նրանք նաև քննարկել են իշխանության քաղաքական անցման հարցը, որը կարող է «միավորել սիրիացիներին ու արմատապես լուծել փախստականների հոսքի հարցը»։










