Նյու Յորքի օդանավակայանում Հռոմի պապին դիմավորել են Ֆրենկ Սինատրայի հայտնի երգով (տեսանյութ)

10:29 • 25.09.15

Նյու Յորքի օդանավակայանում նվագախումբը Հռոմի պապին դիմավորել է ամերիկացի երգիչ Ֆրենկ Սինատրայի «New York, New York» երգով։

 

«Բարի գալուստ, Նյու Յորք»՝ բացականչել են օդանավակայան ժամանած մարդիկ, փոխանցում է Корреспондент-ը։

 

Օդանավակայանում պոնտիֆիկոսին դիմավորել են հարյուրավոր մարդիկ։ Շինության վրա փակցված է եղել հսկայական պաստառ՝ ողջույնի խոսքով և Հռոմի պապի լուսանկարով։

 

ԱՄՆ-ի հոգևորականների հետ շփվելուց հետո Հռոմի պապը ողջունել է ամբոխին։ Երեխաներից մեկը նույնիսկ հասցրել է խաղալիք նվիրել Պապին, որը մարմնավորում է հենց պոնտիֆիկոսին։

 

Ժողովրդի հետ շփվելուց հետո Ֆրանցիսկոսը նստել է ուղղաթիռ և մեկնել Մանհեթեն։

 

Մինչ այդ նա եղել է Վաշինգտոնում։ Կոնգրեսում ելույթի ժամանակ Հռոմի պապ Ֆրանցիսկոսը կոչ է արել վերջ տալ բոլոր զինված հակամարտություններին աշխարհում՝ դադարեցնելով զենքի վաճառքը հանուն գումարի։