Սաուդյան արքայազնին ձերբակալել են բռնաբարության փորձի համար

16:17 • 25.09.15

Լուսանկարը՝ intoday.in-ի

 

Լոս Անջելեսում ձերբակալել են սաուդյան արքայազն 28-ամյա Մաջիդ Աբդել Ազիզ ալ- Սաուդին՝ բռնաբարության փորձի համար։ Իրավապահների տվյալներով՝ նա ցանկացել է Բևեռլի Հիլզում իր վարձակալած տանն աշխատող կնոջը դրդել սեռական գործողությունների, փոխանցում է Комсомольская правда-ն։

 

Արքայազնին նախ կալանքի տակ են վերցրել, սակայն ավելի ուշ բաց են թողել 300.000 դոլար գրավի դիմաց։ Հարկ է նշել, որ արքայազնը չունի դիվանագիտական անձեռնմխելիություն, հետևաբար՝ պետք է հոկտեմբերի 19-ին կանգնի դատարանի առաջ։

 

Ի դեպ, ոստիկանություն է կանչել հարևանը։ Տղամարդը որոշել է զանգահարել իրավապահներին, երբ տեսել է արյունոտ կնոջը, որը բղավել է և օգնություն կանչել։