Վարչապետն Արարատի մարզում հետևել է խաղողի մթերմանը, լսել գյուղացիների բողոքները

15:25 • 28.09.15

Արարատի մարզում որոշ գյուղերի գյուղացիներ այսօր դարձյալ բողոքի ակցիան են արել՝ պահանջելով լուծում տալ խաղողի մթերման հարցին:

Այս պահին ՀՀ վարչապետ Հովիկ Աբրահամյանն Արարատի մարզում է՝ խաղողի մթերման հարցում գյուղացիների պահանջին ընթացք տալու համար:

Հիշեցնենք, որ ավելի վաղ էլ գյուղացիները փակել էին ճանապարհը՝ դժգոհելով, որ մթերող կազմակերպություններն իրենց բերքն ամբողջությամբ չեն մթերում:

Հիշեցնենք նաև, որ ՀՀ գյուղատնտեսության նախարարը կառավարության նիստի ընթացքում ասել էր, որ դաշտում խաղող չի մնա, խաղողի ողջ բերքը, անկախ ծավալներից մթերվելու է, չնայած այս տարի խաղողի բերքը գերազանցում է նախորդ տարվա բերքը մոտ 30 տոկոսով: