Մալդիվների առաջին տիկինը վիրավորվել է զբոսանավի վրա տեղի ունեցած պայթյունի հետևանքով
Լուսանկարը՝ maldivesindependent.com-ի
Մալդիվյան կղզիների նախագահի կինը տուժել է պետության ղեկավարի զբոսանավի վրա տեղի ունեցած պայթյունի հետևանքով, գրում է РИА Новости-ն՝ հղում անելով Maldives Independent-ին։
Նախագահ Աբդուլլահ Յամինի նավի վրա պայթյունը տեղի է ունեցել այսօր, երբ արդեն մոտեցել էր մայրաքաղաք Մալեին, հայտնել է նախագահի ավագ օգնականը։ Նախագահ Յամինը Մալդիվներ էր վերադառնում Սաուդյան Արաբիայից՝ հաջից հետո։
Հաղորդվում է, որ նախագահի կինը և նրա օգնականը թեթև վնասվածքներ են ստացել, նրանք հոսպիտալացվել են։ Սակայն նախագահի թիկնապահներից մեկը գտնվում է «ծանր վիճակում», վնասվածքները սպառնում են նրա կյանքին։
Պայթյունի պատճառները պարզվում են։










