ԵԽԽՎ-ն դիտորդներ կուղարկի Ադրբեջանում խորհրդարանական ընտրությունների անցկացմանը հետևելու
ԵԽԽՎ-ն կմասնակցի Ադրբեջանում կայանալիք խորհրդարանական ընտրությունների դիտորդական առաքելությանը՝ չնայած ԵԱՀԿ-ի ժողովրդավարական ինստիտուտների և մարդու իրավունքների հարցերով բյուրոյի մերժմանը:
Այդ մասին երկուշաբթի օրը հայտարարել է կազմակերպության ղեկավար Ան Բրասերը:
Սեպտեմբերի կեսին ԵԱՀԿ-ն հայտարարել է, որ չի մասնակցի Ադրբեջանում խորհրդարանական ընտրությունների դիտորդական առաքելությանը` երկրի իշխանությունների կողմից դիտորդների քանակի սահմանափակումների պատճառով:
«Այսօր առավոտյան Բյուրոն հաստատել է 2015 թվականի նոյեմբերի 1-ին Բաքվում ընտրությունների դիտորդական առաքելություն ուղարկելու իր որոշումը»,- ասել է Բրասերը:
Նրա խոսքերով՝ ստեղծված իրավիճակում շատ դժվար կլինի իրենց հանձնաժողովի համար ամբողջովին հստակությամբ ուսումնասիրել Եվրոպայի խորհրդի առջև ստանձնած Ադրբեջանի պարտավորություններին ընտրությունների համապատասխանությունը:










