Սիրիայում մարտերի մասնակցած ադրբեջանցի է ձերբակալվել

15:15 • 29.09.15

Ադրբեջանում ձերբակալվել է Սիրիայում մարտերի մասնակցած Ադրբեջանի քաղաքացի։

 

Ինչպես տեղեկացնում է ԱՊԱ գործակալությունը, 1985 թվականին ծնված Թալեհ Ահմեդովը
ձերբակալվել է Ազգային անվտանգության նախարարության աշխատակիցների իրականացրած օպերատիվ միջոցառումների արդյունքում։

 

Քննության ընթացքում պարզվել է, որ նա 2014 թվականին մեկնել է Սիրիա և այնտեղ մնացել 3 ամիս։

 

Հարուցվել է քրեական գործ՝ Ադրբեջանի Քրեական օրենսգրքի 279-րդ հոդվածի հատկանիշներով (ապօրինի զինված խմբերի կամ խմբավորումների ստեղծում), դատարանի որոշմամբ՝ նա կալանավորվել է։

 

Քննությունը շարունակվում է։