Դանիայում փախստականների ճամբարում անհայտ անձը դանակի մի քանի հարված է հասցրել ոստիկանին
Լուսանկարը՝ Reuters-ի
Դանիայում փախստականների Սանդհոլմ ճամբարում անհայտ անձը դանակի մի քանի հարված է հասցրել ոստիկանին, գրում է segodnya.ua-ն՝ The Local-ին հղումով։
Ոստիկանության տվյալներով՝ վիրավորի վիճակը հաջողվել է կայունացնել։ Որոնումների արդյունքում ձերբակալվել է մի տղամարդ, որը կասկածվում է հարձակումն իրականացնելու մեջ։
Ոստիկանությունում ենթադրում են, որ հարձակվողը կարող է համախոհներ ունենալ, որոնումները շարունակվում են։
Ոստիկանությունում չեն պարզաբանում՝ արդյոք հարձակվողը եղել է ապաստան խնդրող, ով ապրում է փախստականների կենտրոնում։
«Մենք հետաքննություն ենք անցկացնում, որպեսզի պարզենք դա»,- ասել է տեղի ոստիկանության ներկայացուցիչը։
Սանդհոլմ կենտրոնն ամենախոշորն է Դանիայի նման հաստատություններից, այժմ այնտեղ մոտ 600 փախստական է ապրում։










