Ղազախստանի նախագահն առաջարկել է ՄԱԿ-ի գլխավոր գրասենյակը տեղափոխել Ասիա

08:49 • 29.09.15

Ղազախստանի նախագահ Նուրսուլթան Նազարբաևը ՄԱԿ-ի Գլխավոր ասամբլեայի նիստի ժամանակ առաջարկել է ՄԱԿ-ի գլխավոր գրասենյակը Նյու Յորքից տեղափոխել Ասիայի երկրներից մեկը, գրում է korrespondent.net-ը։

 

«21-րդ դարում զարգացման կենտրոնը տեղափոխվում է Ասիա: Դա աշխարհում ամենամեծ աշխարհամասն է, որտեղ ապրում է Երկրի բնակչության 2/3-ը և որտեղ կենտրոնացված են անհավանական ռեսուրսներ… Առաջարկն այն է, որ կարելի է քննարկել ՄԱԿ-ի գլխավոր գրասենյակի տեղափոխումն Ասիա»,- հայտարարել է նա։

 

Նազարբաևի խոսքով՝ 70 տարի առաջ ՄԱԿ-ի հիմնադրման ժամանակ որոշում է կայացվել ՄԱԿ-ի գլխավոր գրասենյակը բացել Նյու Յորքում՝ միջազգային հարաբերություններում արևմտյան կիսագնդի հատուկ դերի առնչությամբ։