Պուտինն իշխանության գտնվելու ժամկետի մասին՝ «ամեն ինչ կախված կլինի իրավիճակից»

09:51 • 29.09.15

Ռուսաստանի Դաշնության նախագահ Վլադիմիր Պուտինը հայտարարել է, որ իշխանության լինելու իր ժամկետը չի հակասի Սահմանադրությանը, սակայն վստահ չէ, որ ամբողջությամբ կօգտվի սահմանադրական իրավունքից: Դա կախված կլինի երկրում և աշխարհում կոնկրետ իրավիճակից և իր տրամադրությունից, հաղորդում է РИА Новости-ն։

 

«Թե որքան երկար՝ կախված է երկու հանգամանքից: Առաջինը, իհարկե, այն է, որ կան Սահմանադրությամբ նախատեսված օրենքներ, և դրանք հաստատ չեն խախտվի իմ կողմից: Բայց ես համոզված էլ չեմ, որ պետք է ամբողջությամբ օգտվեմ այդ սահմանադրական իրավունքներից: Դա արդեն կախված կլինի երկրում, աշխարհում կոնկրետ իրավիճակից և իմ սեփական տրամադրությունից»,- պատասխանել է Պուտինն ամերիկացի լրագրողի հարցին, թե որքան երկար է նա ցանկանում մնալ իշխանության։