Չինաստանի հարավում 15 պայթյուն է տեղացել. կա 6 զոհ

20:23 • 30.09.15

Չինաստանի հարավային  Գուանսի Չժուանյան ինքնավար շրջանի Լյուչժու քաղաքում տեղի ունեցած պայթյունների հետևանքով առնվազն 6 մարդ է զոհվել:


Ինչպես տեղեկացնում է BBC-ն` Սինխուա գործակալությանը հղումով, 3-5 ժամվա ընթացքում  փոքր քաղաքում, ընդհանուր առմամբ, 15 պայթյուն է տեղացել: Պայթյունների հետևանքով վնասվել են տեղի հիվանդանոցը, քաղաքային շուկան, առևտրի կենտրոնը, ավտոբուսային կայանը և մի շարք շենքեր, այդ թվում բանտը և պետաշխատողների հանրակացարանը:


Աղբյուրի հաղորդմամբ` աղետի լուսանկարները հայտնվել են սոցցանցերում, որոնցում հնարավոր է տեսնել ծխի մեջ կորած փողոցները:


Հետաքննություն է ընթանում: Քաղաքի ոստիկանապետի խոսքով` ռումբերը, հավանաբար, այդ հասցեներով ուղարկվել են կապոցներով: Դեպքի վայրերում աշխատում են փրկարարները: