Իրանը ողջունում է Սիրիայում ավիահարվածներ հասցնելու ՌԴ-ի որոշումը

16:27 • 30.09.15

Իրանը ողջունում է ՌԴ-ի որոշումը՝ օդուժը Սիրիայի տարածքում «Իսլամական պետություն» խմբավորման դեմ օգտագործելու վերաբերյալ։

 

Ինչպես տեղեկացնում է РИА Новости գործակալությունը, այդ մասին ասել է Իրանի արտգործնախարարության ներկայացուցիչ Մարզիե Աֆհամը:

 

Ռուսաստանի Դաշնային խորհուրդն այսօր համաձայնություն էր տվել ռուսական օդուժը Սիրիայում օգտագործելու վերաբերյալ:

 

ՌԴ-ն մտադիր է կիրառել միայն ավիացիան՝ գործելով Սիրիայի նախագահ Բաշար ալ-Ասադի խնդրանքով:

 

«Մենք դրական ենք նայում այդ քայլին, և գնահատում ենք ցանկացած քայլ, որն ուղղված է տարածաշրջանում ահաբեկչության դեմ պայքարին»,-ասել է Աֆհամը։