Վիրջինիա նահանգում երկարատև դադարից հետո առաջին անգամ սերիական մարդասպանի են մահապատժի ենթարկել
ԱՄՆ Վիրջինիա նահանգում երկարատև դադարից հետո առաջին անգամ մահապատիժ է իրականացվել՝ մահացու ներարկման միջոցով, տեղեկացնում է gazeta.ru-ն:
Սալվադորից 49-ամյա ներգաղթյալ Ալֆրեդո Պրիետոն մահապատժի է ենթարկվել 1988 թվականին իրականացրած սպանության համար։
Բացի այդ, նրան կասկածում են ևս առնվազն 7 մարդու սպանության համար։
Փաստաբանները փորձում էին ապացուցել, որ տղամարդը մտավոր հետամնաց է, սակայն ԱՄՆ-ի Գերագույն դատարանը մերժել է մահապատժի ի կատար ածումը կասեցնելուն ուղղված դիմումը։
2010 թվականին Պրիետոն դատապարտվել էր առավելագույն պատժի՝ աղջկա սպանության ու բռնաբարության, ինչպես նաև նրա ընկերոջ սպանության համար։
1992 թվականին նա բռնաբարել ու սպանել է 15-ամյա աղջկա, ինչից հետո էլ դատարանը որոշել է նրան արտահանձնել Վիրջինիա նահանգ։
Նշվում է, որ այս նահանգում մահապատիժ վերջին անգամ կիրառվել էր 2013 թվականի սկզբին։










