Կրեմլը չի մեկնաբանում Սիրիայում ռուսական ինքնաթիռի կործանման մասին տեսանյութը (տեսանյութ)

13:36 • 02.10.15

Կրեմլը չի մեկնաբանում YouTube-ում հայտնված տեսանյութը, որում իբր սիրիական ընդդիմության կողմից խոցված ռուսական կործանիչ է երևում։

 

Այդ մասին հայտնել է ՌԴ նախագահի մամուլի քարտուղար Դմիտրի Պեսկովը՝ առաջարկելով ուշադրություն դարձնել միայն ՌԴ պաշտպանության նախարարության հրապարակած տեղեկություններին։

 

«Դուք գիտեք, ես YouTube-ը չեմ մեկնաբանում։ Առաջարկում եմ կենտրոնանալ այն տեղեկատվության վրա, որը տալիս է ՌԴ պաշտպանության նախարարությունը»,-ասել է Պեսկովը։

 

Ավելի վաղ համացանցում տարածվել էր տեսանյութ, որտեղ ներկայացվում է, թե ինչպես է Սիրիայի Համա նահանգում սիրիական ընդդիմությունը խոցում ռուսական ինքնաթիռը։