ԻՊ-ի զինյալները հարձակվել են լիբիական նավահանգստի վրա, որը երկրի հիմնական նավթային տերմինալներից է

08:59 • 02.10.15

«Իսլամական պետություն» խմբավորման զինյալները հարձակում են իրականացրել Լիբիայի Էս-Սիդր նավահանգստի վրա, որը երկրի հիմնական նավթային տերմինալներից մեկն է, տեղեկացնում է РИА Новости գործակալությունը։

 

«ԻՊ-ի զինյալները հարձակում են իրականացրել Էս-Սիդրի մուտքի մոտ գտնվող անցակետի վրա»,-ասել է նավթային ձեռնարկությունների պահպանության գումարտակի ներկայացուցիչը։

 

Հարձակման ընթացքում օգտագործվել են ինքնաձիգներ և փորձ է արվել պայթեցնել ականապատ ավտոմեքենան։

 

Բախումների հետևանքով զոհվել է անվտանգության աշխատակիցներից մեկը: Եվս երկուսը վիրավորվել են: Չորս ահաբեկիչ ոչնչացվել է։

 

Նշվում է, որ Էս-Սիդր տերմինալն անցյալ տարվա դեկտեմբերից փակ է՝ տեղական խմբավորումների միջև առկա թշնամանքի հետևանքով։