Ռուսաստանը ցուցադրել է սիրիական Լաթակիա քաղաքում գտնվող իր ավիաբազան (տեսանյութ)

00:52 • 03.10.15

Ռուս զինվորականներն առաջին անգամ ցուցադրել են ՌԴ ռազմական օդուժի` Սիրիայում գտնվող  հիմնական ավիաբազաներից մեկը, որը տեղակայված է Լաթակիա քաղաքում: Ավիաբազայում լինել հաջողվել է Russia Today հեռուստաալիքի թղթակցին:

Ինչպես նշվում է` հենց այս ավիաբազայից է ռուսական ավիացիան հարվածներ հասցնում «Իսլամական պետություն» խմբավորման դիրքերի ուղղությամբ:

Լաթակիան Սիրիայի նախագահ Բաշար ալ-Ասադի հենակետն է: Այստեղ է բնակվում  ալավիտների մեծամասնությունը, որոնցից սերում է նաև Ասադը:

Ավելի վաղ հայտնի էր դարձել, որ ռուսական նավերը պաշտպանելու են Լաթակիայի ավիաբազան։