Ինչ անել խոր քուն մտնելու համար

Աշնանային եղանակին շատերս քնկոտ ենք դառնում և ողջ օրվա ընթացքում մտածում ենք գլուխը բարձին դնելու  և խոր քուն մտնելու մասին, սակայն երբեմն այնպես է ստացվում, որ երեկոյան պառկելիս քունն աչքերից անհետանում է:

Այս մասին գրում է AdMe.ru-ն` ներկայացնելով մի շարք խորհուրդներ, որոնք կօգնեն արագ և խոր քուն մտնել, իսկ առավոտյան արթնանալ թարմացած ու հանգստացած:

1. Մագնեզիումով հարուստ մթերքներ օգտագործեք, օրինակ` դդմի սերմեր կամ սպանախ: Մագնեզիումի կիրառումը լավ է ազդում խոր քնի վրա:

2. Ցերեկային քունը 10-30 րոպեով  դրական ազդեցություն է ունենում գիշերային քնի համար: Բայց 30 րոպեից ավել պետք չէ քնել:

3. Մահճակալը նախատեսված է միայն քնելու և անհանգստանալու համար: Այն պետք չէ օգտագործել որպես աշխատասեղան կամ ճաշասեղան:

4. Զովություն ննջասենյակում: Խոր քուն մտնելու համար կատարյալ ջերմաստիճանը 15-20 աստիճան ջերմությունն է` ըստ Ցելսիուսի:

5. Տաք ցնցուղ կամ լոգանք ընդունեք քնելուց առաջ: Դա օգնում է օրգանիզմի հանգստանալուն:

6. Առավոտյան արթնանալու հստակ ժամ սահմանեք, նույնիսկ հանգստյան օրերին:

7. Եթե մի քանի օր ուշ եք պառկել քնելու, լրացրեք բաց թողնվածը և հաջորդ  օրը շուտ պառկեք:

8. Մահճակալից հեռու դրեք զարթուցիչն ու ցանկացած տեսակի գաջեթները:

9. Ցերեկվա ժամերին ստացած արևային ճառագայթները նույնպես անհրաժեշտ են հանգիստ քուն ունենալու համար:

10.   Մեկ բաժակ կաթ ըմպեք: Կաթի պարունակության մեջ առկա տրիպտոֆան նյութը, փոխազդելով կալցիումի հետ, հանգստացնող ազդեցություն է ունենում: