Գերմանիայում դարձյալ փախստականների ապաստան են հրկիզել

09:05 • 05.10.15

Անհայտ անձինք հրկիզել են Գերմանիայի կենտրոնական մասում գտնվող Տյուրինգիա դաշնային շրջանում փախստականների ապաստանը, տեղեկացնում է РИА Новости գործակալությունը։

 

Միջադեպի հետևանքով տուժածներ չկան: Ճամբարում այրվել է 4 զուգարան, ավելի ուշ կրակը տարածվել է:

 

Քննության տվյալներով՝ հրդեհի պատճառը միտումնավոր հրկիզումն է եղել: Տյուրինգիայի վարչապետ Բոդո Ռամելովը միջադեպը «ստոր մահափորձ» է կոչել։

 

Եվս մեկ հրդեհ երեկ բռնկվել է Գերմանիայի արևմուտքում: Այստեղ այրվել է նախկին դպրոցը, որում նախատեսում էին փախստականներ տեղակայել։

 

Վերջին ամիսներին փախստականների համար նախատեսված հանրակացարաններում հրդեհների բռնկումը հաճախակի է դարձել։