Մեքսիկայում 23 տոննա թմրանյութ է առգրավվել
Մեքսիկացի զինվորականները Սինալոա նահանգում թմրավաճառների պահեստ են հայտնաբերել, տեղեկացնում է korrespondent.net-ը:
Այնտեղ եղել են մարիխուանայով բեռնված և առաքման պատրաստ մեքենաներ: Հայտնաբերված թմրանյութերի ընդհանուր ծավալը 23.3 տոննա է։
Պահեստում հայտնաբերվել է ևս 10 կգ այլ նյութ՝ հավանաբար մետամֆետամին, 8 հրացան, 13 ատրճանակ։
Հունվար-սեպտեմբերն ընկած ժամանակահատվածում Սինալոա նահանգում զինվորականները ոչնչացրել են կանեփ-կակաչի բազմաթիվ անօրինական ցանքեր, առգրավել են 67 տոննա մարիխուանա և 438 կգ կոկաին, կասեցրել են թմրանյութ արտադրող 67 լաբորատորիայի աշխատանք։
Այդ ընթացքում ձերբակալվել է 151 մարդ, առգրավվել է 350 միավոր զենք։










