Պեկինում ուժեղ սմոգի պատճառով վտանգի բարձր մակարդակ է հայտարարվել
Չինաստանի մայրաքաղաքում ուժեղ սմոգի հետևանքով այսօր հայտարարվել է վտանգի բարձր՝«դեղին» մակարդակ։
Ինչպես տեղեկացնում է ТАСС-ը, Չինաստանի պետական օդերևութաբանական վարչության տվյալներով՝ վտանգի «դեղին» մակարդակ է հայտարարված նաև հյուսիս-չինական Տյանցզին քաղաքում:
Առավոտյան օդում առողջության համար վնասակար նյութերի քանակը Պեկինում գերազանցել է մեկ խորանարդ մետրի համար 300 միկրոգրամը, իսկ որոշ շրջաններում մոնիթորինգային կայանները ցույց են տվել 390 միկրոգրամ ցուցանիշ։
Առողջապահության համաշխարհային կազմակերպության տվյալների համաձայն՝ այդ ցուցանիշը չպետք է գերազանցի 1 խորանարդ մետրին 25 միկրոգրամը։
Աղտոտման բարձր մակարդակով պայմանավորված՝ Պեկինի իշխանությունները երեխաներին, տարեցներին ու հիվանդներին խորհուրդ են տալից զերծ մնալ երկար ժամանակ դրսում գտնվելուց:










