Աֆղանական զորքը թույլ է և չի զսպում թալիբներին. Պենտագոնի ներկայացուցիչ

11:14 • 07.10.15

Աֆղանստանում ԱՄՆ զորքերի հրամանատար գեներալ Ջոն Քեմփբելը չափազանց հոռետեսական գնահատական է տվել աֆղանական զորքերի մարտական ունակություններին։ Պենտագոնի ներկայացուցչի խոսքով՝ աֆղանական զորքերը բավականաչափ մարզված և զինված չեն թալիբների դեմ արդյունավետ պայքարելու համար, գրում է BBC-ի ռուսական ծառայությունը։

 

Քեմփբելը նաև կոչ է արել ԱՄՆ նախագահ Բարաք Օբամային վերանայել Աֆղանստանից ամերիկյան զորակազմի դուրսբերման ծրագիրը։

 

Ընդունված ռազմավարության համաձայն՝ մինչև 2016 թվականի ավարտն Աֆղանստանում ԱՄՆ-ից զինվորականների թիվը կնվազի՝ մոտ 10 հազարից հասնելով 1.000-ի։