Հայտնի է դարձել Վայքում սպանության սպառնալիքների ներքո ավազակային հարձակում կատարած կնոջ ինքնությունը
ՀՀ Վայոց ձորի մարզի Վայք քաղաքում Ջերմուկի խճուղու թիվ 53 շենքում հոկտեմբերի 7-ին ավազակային հարձակում է կատարել 1983 թվականի ծնված Լիանա Մ.-ն:
Այս մասին «Արմենպրես»-ին հայտնել են ՀՀ ոստիկանության հասարակայնության հետ կապերի և լրատվության վարչությունից:
2015 թվականի հոկտեմբերի 7- ին արտակարգ դեպք էր գրանցվել Վայոց ձորի Վայք քաղաքի Ջերմուկի խճուղու թիվ 53 շենքում. 32-ամյա դիմակավորված կինը դանակով զինված ներխուժել է բնակարան, բռնություն գործադրել տանտիրոջ նկատմամբ` սպանության սպառնալիքների ներքո պահանջելով գումար և ոսկյա զարդեր:
Կատարվում է քննություն:










