Հյուսիսային Արիզոնայի համալսարանում անհայտ անձը կրակ է բացել. կա 1 զոհ
Մեկ հոգի սպանվել է, երեքը՝ վիրավորվել ԱՄՆ-ի Ֆլագստաֆ քաղաքում գտնվող Հյուսիսային Արիզոնայի համալսարանի կամպուսի տարածքում անհայտ անձի կողմից բացված կրակի հետևանքով, հաղորդում է mirror.co.uk-ը:
Դեպքը տեղի է ունեցել այս առավոտյան կամպուսում, որտեղ ապրում են հունական կազմակերպություններում ներգրավված ուսանողները։
Դեռ հայտնի չէ, թե ինչն է եղել կրակոցների պատճառը։
Ոստիկանությունը ձերբակալել է կրակողին։ Ուսանողներին նախազգուշացվել է դուրս չգալ շենքից կրակոցների ընթացքում։
Հիշեցնենք, որ անցած շաբաթ ինը հոգի է սպանվել Ամփքուա համայնքային քոլեջում։










