Ահաբեկիչները Սիրիայի զորքի դեմ կարող են թունավոր գազ կիրառել. աղբյուր
Ռուսաստանի Գլխավոր շտաբում աղբյուրը չի բացառել, որ «Իսլամական պետություն» խմբավորման զինյալները սիրիական կառավարական զորքի դեմ կարող են թունավոր գազ օգտագործել, տեղեկացնում է ТАСС-ը։
«Մեր ավիացիայի կողմից հարվածներ հասցնելուց հետո հետախուզությունն արձանագրել է զինյալների բանակցությունները՝ ճակատային գիծ նոր զինտեխնիկա բերելու վերաբերյալ։ Նաև խոսվել է ինչ-որ «անակնկալների» մասին, և հավանաբար, ինքնաշեն պայթուցիկներ՝ քիմիական նյութերով լցված»,-հայտարարել է աղբյուրը։
Նա հավելել է, որ «խոսվել է այդ զենքերն ու «անակնկալները» հնարավորինս արագ այն շրջաններ հասցնելու մասին, որտեղ կառավարական զորքերի ակտիվություն է նկատվում՝ նրանց առաջընթացը կասեցնելու համար»։
«Իսլամական պետությունն» ահաբեկչական խմբավորում է, որի գործունեությունն արգելված է մի շարք երկրներում։










