Երևանում տեղի կունենա աշխարհահռչակ Վիտալի Ֆրիդմանի «ՅուԻքս Երևան» վարպետության դասընթացը

17:29 • 09.10.15

Երևանում հոկտեմբերի 11-ին տեղի կունենա «ՅուԻքս Երևան» վարպետության դասընթացը, որը  կանցկացնի «Սմեշինգ» աշխարհահռչակ ինտերնետ ամսագրի համահիմնադիր Վիտալի Ֆրիդմանը:

 

Այս մասին հաղորդում է «Creative Minds» հասարակական կազմակերպությունը:

 

Տեղեկատվական տեխնոլոգիաների ոլորտի ավելի քան 150 մասնագետներ՝ դիզայներներ, ծրագրավորողներ, ճարտարագետներ, ՅուԻքս դիզայներներ և սոցիալական ցանցերի ակտիվիստներ, հնարավորություն կունենան մասնակցելու «ՅուԻքս Երևան» վարպետության դասընթացին:

 

Մասնակիցները հնարավորություն կունենան նոր գիտելիքներ և հմտություններ ձեռք բերել, կիսվել սեփական փորձով, քննարկել համացանցային տեխնոլոգիաներ և կիրառական խնդիրներ: