Գվատեմալայում սողանքի հետևանքով զոհերի թիվը հասել է 263-ի, ավելի քան 370 մարդ կորած է համարվում

11:56 • 10.10.15

Գվատեմալայի կենտրոնական հատվածում սողանքի հետևանքով զոհերի թիվը հասել է 263-ի։ Ինչպես հայտնում է ՏԱՍՍ գործակալությունը, այդ մասին հայտարարել է երկրի գլխավոր դատախազությունը։

 

Նոր տվյալների համաձայն՝ ավելի քան 370 մարդ համարվում է անհայտ կորած։

 

Սողանքը տեղի էր ունեցել հոկտեմբերի 2-ին։


Ողբերգության վայրում որոնողական աշխատանքների դադարեցման կամ երկարաձգման վերաբերյալ վերջնական որոշում կկայացվի հոկտեմբերի 12-ին։

 

8 օր տևած որոնողա-փրկարարական աշխատանքներին մասնակցել է ավելի քան 550 մարդ և տասնյակ միավոր տեխնիկա։