Թուրքիայում ռուսաստանաբնակ հայ գիտնական է խեղդվել
Անթալիայի Քեմերի շրջանում խեղդված երկու ռուսաստանցի զբոսաշրջիկներից մեկը հայտնի գիտնական, միջուկային ուսումնասիրությունների կենտրոնի աշխատակից Սարգիս Արշավիրի Քարամյանն է։
Ինչպես տեղեկացնում է Milliyet թերթի կայքը, երեկ հաղորդվել էր, որ այդ շրջանում երկու ռուս զբոսաշրջիկներ են խեղդվել: Այսօր պարզվել է, որ նրանցից մեկը հանրահայտ հայ գիտնականն է:
Ֆիզիկայի և միջուկային ֆիզիկայի ոլորտում գիտնականը մոտ 40 հայտնագործություն է արել։
Խեղդված երկրորդ զբոսաշրջիկի ինքնության մասին տեղեկություններ չեն հաղորդվում։










