Արգենտինայի Վիսենտե Լոպես քաղաքում հայկական խաչքար է տեղադրվել

18:50 • 12.10.15

Հայոց ցեղասպանության 100-րդ տարելիցի ոգեկոչման միջոցառումների շրջանակներում Արգենտինայի Վիսենտե Լոպես քաղաքում  Երևանից բերված խաչքար է տեղադրվել, որի բացման արարողությանը ներկա է գտնվել քաղաքապետ Խորխե Մակրին:

Ինչպես գրում է Prensa Centro Armenio-ն` քաղաքապետ Մակրին հիշատակել է իր ընտանիքի ներգաղթյալ նախնիներին` նշելով, որ   նրանց թվում եղել են հայկական ծագում ունեցողները:

Միջոցառման ժամանակ վարդապետ Մաղաքիա Ամիրյանն ընթերցել է Մայր Աթոռ Սուրբ Էջմիածնից  ուղարկված շնորհավորական նամակը` ուղղված արգենտինահայերին  հուշարձանի բացման առթիվ: