Քիշնևում ցուցարարներն արգելափակել են քաղաքի կենտրոնում երթևեկությունը (լուսանկարներ)
Քիշնևում բողոքի ակցիայի մասնակիցները երկուշաբթի առավոտյան արգելափակել են քաղաքի կենտրոնում երթևեկությունը, հաղորդում է РИА Новости-ն:
Ընդդիմադիր ուժերը՝ Սոցիալիստների կուսակցությունը և «Մեր կուսակցությունը», Մոլդովայում բողոքի ակցիաներ են անցկացնում սեպտեմբերի 27-ից։ Նրանք պահանջում են պաշտոնյաների, երկրի ղեկավարության, ներառյալ՝ վարչապետի և նախագահ Նիկոլայ Տիմոֆտիի հրաժարականը։
«Մեր կուսակցության» ակտիվիստները մի քանի հարյուր ավտոմեքենա են կայանել Ստեֆան Մեծի փողոցի երթևեկելի հատվածում՝ վրանային ճամբարի հարևանությամբ։
Բողոքի ակցիայի տարածքը շրջափակված է ոստիկանական շարքերով: Ոստիկանությունը տրանսպորտն ուղղում է այլ փողոցներ։
«Շտեֆան չել Մարեի փողոցն արգելափակված է: Ողջ Մոլդովան սպասում է Տիմոֆտիի հրաժարականին»,- գրել է «Մեր կուսակցության» ղեկավար Ռենատո Ուսատին Facebook-ի իր էջում։
Վերջին օրերի բողոքի ակցիաները՝ ֆոտոշարքով.
















