Ադրբեջանում երկրաշարժ է տեղի ունեցել

09:59 • 13.10.15

Ադրբեջանի Օղուզի շրջանում երկրաշարժ է տեղի ունեցել։ Այդ մասին ասված է Ադրբեջանի գիտությունների ազգային ակադեմիայի սեյսմոլոգիական ծառայության տարածած հաղորդագրության մեջ, փոխանցում է Trend գործակալությունը։

 

Ստորգետնյա ցնցումները գրանցվել են տեղական ժամանակով 05:13-ին՝ Շեքի քաղաքից ոչ հեռու։

 

Երկրաշարժը գրանցվել է 4 մագնիտուդ ուժգնությամբ: Դրա հիպոկենտրոնը գտնվել է 15 կմ խորությամբ։