Չինական Տյանցզին քաղաքում կրկին պայթյուն է որոտացել
Չինական Տյանցզին նավահանգստում, որտեղ օգոստոսի 12-ին երկու պայթյունի հետևանքով 173 մարդ էր զոհվել, նորից պահեստ է պայթել:
Ինչպես տեղեկացնում է BBC-ն` տեղի ոստիկանությանը հղումով, պայթյունը տեղի է ունեցել սպիրտ պարունակող ապրանքների պահեստում: 700 քառ. մետր տարածքում 3 տոննա դյուրավառ նյութեր են պահվել և մեկ տոննա թթու:
Պայթյունին հետևել է խոշոր հրդեհը: Զոհերի և տուժածների մասին դեռևս տեղեկություններ չկան:
Ինչպես տեղեկացնում են Չինաստանի սեյսմոլոգիական կենտրոնում` առաջին պայթյունի հզորությունը կազմել է 3 տոննա տրոտիլ, իսկ երկրորդինը` 21:










