Թուրքական ոստիկանությունն Անկարայում կասկածելի փաթեթ է ոչնչացրել
Թուրքական ոստիկանությունը կասկածելի փաթեթ է վնասազերծել Անկարայի երկաթուղային կայարանից ոչ հեռու, տեղեկացնում է CNN Turk-ը։
Փաթեթը պայթեցրել են, սակայն պարզվել է, որ տագնապը կեղծ էր. փաթեթում միայն սնունդ է եղել։
Երեք օր առաջ Թուրքիայի մայրաքաղաքում տեղի ունեցած երկու պայթյունների հետևանքով մոտ 100 մարդ է զոհվել:
Ավելի վաղ հաղորդվել է, որ երկրի իշխանությունները քննարկում են «Իսլամական պետություն» խմբավորման հնարավոր մասնակցությունն Անկարայում տեղի ունեցած ահաբեկչությանը:










