Օդի ջերմաստիճանը կնվազի. առաջիկա 5 օրվա եղանակի կանխատեսում
Հանրապետության տարածքում հոկտեմբերի 14-ին, 15-ի գիշերը շրջանների զգալի մասում ժամանակ առ ժամանակ սպասվում է կարճատև անձրև և ամպրոպ, առանձին վայրերում հնարավոր է կարկուտ:
Ըստ Տարածքային կառավարման և արտակարգ իրավիճակների նախարարության կայքի՝ քամին կլինի հարավ-արևմտյան` 2-5 մ/վրկ, ամպրոպի ժամանակ հնարավոր է քամու ուժգնացում` 15-20 մ/վրկ:
Հոկտեմբերի 15-ի ցերեկը, 16-18-ին սպասվում է առավելապես առանց տեղումների եղանակ:
Օդի ջերմաստիճանը 16-18-ի գիշերը աստիճանաբար կնվազի 2-4 աստիճանով, 17-ի ցերեկը արևելյան շրջաններում` 4-5 աստիճանով:

Երևանում հոկտեմբերի 14-ին, 15-ի գիշերը ժամանակ առ ժամանակ սպասվում է կարճատև անձրև և ամպրոպ, ամպրոպի ժամանակ հնարավոր է քամու ուժգնացում` 16-18 մ/վրկ: 15-ի ցերեկը, 16-18-ին սպասվում է առանց տեղումների եղանակ:











