Ֆրանսիան ընդունել է մարդկանց «չեզոք սեռ» ունենալու իրավունքը

22:53 • 16.10.15

Ֆրանսիական դատարանն առաջին անգամ ընդունել է մարդկանց` ինտերսեքսուալության` այսպես կոչված «չեզոք սեռ» ունենալու իրավունքը:


France Presse-ը հայտնում է, որ ֆրանսիական Տուրա քաղաքի դատարանը համապատասխան վճիռ է կայացրել 65-ամյա հայցվորի գործով: Նա պահանջում է, որ իր փաստաթղթերում արական կամ իգական սեռի փոխարեն նշված լինի «չեզոք»:


Մինչ այժմ չեզք սեռը պաշտոնապես ընդունված կատեգորիա էր Ավստրալիայում, Հնդկաստանում, Նեպալում և Նոր Զելանդիայում: Չնայած այս երկրներում նման որակումը վերաբերում է հիմնականում հերմաֆրոդիտներին:


ԶԼՄ-ների գնահատմամբ ֆրանսիական դատարանի այս որոշումը շրջադարձային է ամբողջ Եվրոպայի համար: