Եգիպտոսում ոչ պատշաճ հագնված կանանց թույլ չեն տա քվեարկել
Եգիպտոսի կառավարության որոշմամբ՝ կանայք, որոնք կկրեն ոչ պատշաճ, մարմինը ցուցադրող հագուստ, իրավունք չեն ունենա մասնակցելու հաջորդ շաբաթ կայանալիք խորհրդարանական ընտրություններին։
«Մեր երկրի ու ժողովրդի ազգային ավանդույթները պետք է հարգվեն։ Անընդունելի է, որ ոչ պատշաճ ձևով հագնված կինը ներկայանա ընտրատարածք ու մասնակցի քվեարկությանը»,- մեջբերում է Al Arabiya-ն Եգիպտոսի վարչապետի` ընտրական հարցերով խորհրդական Ռեֆաթ Կոմսանին։
Աղբյուրը մանրամասնում է, որ խորհրդարանական ընտրությունների առաջին փուլի արդյունքները կամփոփվեն հոկտեմբերի 30-ին, իսկ 2-րդ փուլինը` դեկտեմբերի 4-ին։ Հայտնի է, որ ընտրություններին մասնակցելու է 55.6 մլն մարդ։










