Կրետեի բնակիչը ֆինանսական ճգնաժամի պատճառով լքված 200 շան է փրկել
Հունաստանում ֆինանսական ճգնաժամի պատճառով հարյուրավոր ընտանի կենդանիներ հայտնվել են փողոցում։
Lenta.ru-ն ներկայացրել է Կրետեի բնակիչ Տեոկլիտոս Պրոեստակիսին, որը մոտ 200 լքված շան է փրկել` միջոցներ գտնելով և միայնակ պահելով կենդանիներին։
Տակիս մականունով հայտնի նախկին ատամնաբույժը սեփական ուժերով փոքրիկ կացարան է ստեղծել շների համար։ Տեսնելով, թե ինչպես են մարդիկ դուրս շպրտում իրենց շներին ֆինանսական ճգնաժամի պատճառով` նա անտարբեր չի գտնվել։
Թեև կառավարությունից ֆինանսական օգնություն ստանալ նրան չի հաջողվում, Տակիսը չի հուսալքվում և ինքնուրույն հոգում է կենդանիների սննդի և անհրաժեշտ դեղամիջոցների ծախսերը, որոնք ամսական մոտ 2.000 եվրո են կազմում։
Երբեմն նրան օգնում են ամերիկացի և եվրոպացի կամավորները: Բացի այդ, նա միջոցներ է հավաքում ինտերնետային նվիրատվությունների օգնությամբ:










