Սարսափելի պահը, երբ ինքնաթիռի շարժիչը վնասվում է թռիչքի առաջին վայրկյաններին (լուսանկարներ, տեսանյութ)
Ինքնաթիռը ստիպված է եղել արտակարգ վայրէջք կատարել Սանտյագոյի միջազգային օդանավակայանում այն բանից հետո, երբ շարժիչը շրջապատող վահանակները պոկվել են թռիչքի առաջին վայրկյաններին, գրում է The Daily Mail-ը։
Չիլիի մայրաքաղաք Սանտյագոյից Կոպիապո ուղևորվող Sky ավիաուղիների ինքնաթիռը, որը 137 ուղևոր է տեղափոխելիս եղել, այդ միջադեպից հետո վերադարձել է օդանավակայան։
Ինքնաթիռի թևի մոտ նստած ուղևորը նկարահանել է այն պահը, երբ ձախ շարժիչի պաշտպանական վահանակները պոկվում են, երբ ինքնաթիռը սկսում է օդ բարձրանալ։
Արտակարգ վայրէջքից հետո ուղևորներին մեկ այլ ինքնաթիռով տեղափոխել են Կոպիապո։
«Խնդիրը շարժիչի վնասվելը չէր։ Վտանգն այն էր, որ պոկված մասնիկները կարող էին հարվածել ինքնաթիռի այլ հատվածների, մասնավորապես՝ թևերին, պոչին և կայունացուցիչներին»,- ասել է օդաչու Պատրիկ Սմիթը։















