Ռետինե հսկայական բադիկը լողալով հասել է Նյու Յորք

13:21 • 19.10.15

Ռետինե հսկայական բադիկը լողալով հասել է Նյու Յորքի Օյստեր-Բեյ ծովածոց՝ դառնալով ոստրեների ամենամյա փառատոնի զարդը։

 

Ինչպես տեղեկացնում է gazeta.ru-ն, նշվում է, որ 11 տոննա կշռող այդ կառույցը «սարսափելիորեն գրավիչ է»։


«Բարի գալուստ Նյու Յորք, աշխարհի ամենամեծ ռետինե բադիկ։ Այստեղ քեզ սպասում էին»,-ասված է գրության մեջ։

 

Դրա հեղինակը հոլանդացի արվեստագետ Ֆլորենտին Հոֆմանն է։ Նա նման բադիկներ ստեղծում է 2007 թվականից։ Հոֆմանի ստեղծագործությունները հնարավոր է տեսնել ողջ աշխարհում՝ Հոնկոնգից մինչև Սիդնեյ։

 

Նա նշում է, թե «ռետինե բադիկը սահմաններ չի ճանաչում և քաղաքական ենթատեքստ չունի»։