ՌԴ-ում վրացի «մարդասպանի» գտնվելու վայրը հայտնողին 1 մլն ռուբլի պարգևավճար են խոստացել
Կրասնոգորսկում 4 մարդու սպանության համար կասկածվող վրացի գործարար Ամիրան Գեորգաձեի նկատմամբ դաշնային հետախուզում է հայտարարված, հաղորդում է ТАСС գործակալությունը։
Այդ մասին հաղորդել է ՌԴ ՆԳՆ պաշտոնական ներկայացուցիչ Ելենա Ալեքսեևան։
«Ներկայում հետախուզում է հայտարարված»,-ասել է նա։
Կրասնոգորսկի սպանությունների կասկածյալի տեղը հայտնողին 1 մլն ռուբլի պարգևատրում են խոստացել։
Հիշեցնենք, որ «Կրասնոգորսկի մարդասպանի» զոհն են դարձել շրջանի ղեկավարի տեղակալ Յուրի Կարաուլովը և «Կրասնոգորսկի էլցանցերի» ղեկավար Գեորգի Կոտլյարենկոն։
Բացի այդ, ենթադրյալ մարդասպան Ամիրան Գեորգաձեն սպանել է պատահական ականատեսի և իր բիզնես գործընկերոջը։










