Վլադիմիր Պուտինը Սաուդյան Արաբիայի թագավորի հետ քննարկել է Սիրիայի հարցը
ՌԴ նախագահ Վլադիմիր Պուտինը Սաուդյան Արաբիայի թագավոր Սալման բին Աբդուլ Ազիզ Ալ Սաուդի հետ հեռախոսազրույց է ունեցել, որի ընթացքում քննարկել է Սիրիայում տիրող իրավիճակն ու նախագահ Բաշար ալ-Ասադի` Ռուսաստան այցի արդյունքները:
Ինչպես տեղեկացնում է Коммерсанть-ը` այս մասին հայտնել է ՌԴ նախագահի մամլո քարտուղար Դմիտրի Պեսկովը:
Ինչպես արդեն տեղեկացրել էինք` Պուտինը Բաշար ալ-Ասադի հետ հանդիպման արդյունքներն այսօր ավելի վաղ հեռախոսով քննարկել է Թուրքիայի նախագահ Ռեջեփ Թայիփ Էրդողանի հետ:
Հիշեցնենք, որ Սիրիայի նախագահն աշխատանքային այցով հոկտեմբերի 20-ին այցելել է Մոսկվա և բանակցել է ՌԴ ղեկավարության, այդ թվում` նախագահ Պուտինի հետ:










