Սիրիայում ոչնչացվել է գրոհայինների ղեկավարների հավաքը. Մոսկվա (տեսանյութ)

17:44 • 21.10.15

Ռուսական ավիացիան հարվածներ է հասցրել Սիրիայում ահաբեկչական խմբավորումների ղեկավարների հավաքի վրա: Այդ մասին լրագրողներին հայտնել է Ռուսաստանի պաշտպանության նախարարության պաշտոնական ներկայացուցիչ գեներալ-մայոր Իգոր Կոնաշենկովը, գրում է korrespondent.net-ը:

 

Գերատեսչության ներկայացուցիչը պատմել է, որ ռադիոյի միջոցով հոկտեմբերի 19-ին տեղեկատվություն է ստացվել Իդլիբրջանի Սարմին բնակավայրի շրջանում գործող խմբավորումների հրամանատարների նախատեսված հավաքի մասին:

 

Այնուհետև հավաքատեղին, որը լքված շինություններից մեկի նկուղն է եղել, հետևել են անօդաչու թռչող սարքերից:

 

Գեներալը պատմել է, որ անցած գիշեր այդտեղ նկատվել է ինը ավտոմեքենայի կուտակում, այնուհետև այդ օբյեկտի ուղղությամբ հասցվել է թիրախային հարված, որն ամբողջությամբ ոչնչացրել է այն:
 

Բացի այդ, ռուսական ռմբակոծիչները ոչնչացրել են Իդլիբ շրջանում «Իսլամական պետության» գրոհայինների կետերից մեկը, որտեղից իրականացվում էր գրոհայինների մարտական գործողությունների համակարգում: