Սաակաշվիլին հայտնել է, որ Պորոշենկոն մոտ ապագայում «ծայրահեղ բարեփոխումներ» կիրականացնի

09:21 • 22.10.15

Օդեսայի նահանգապետ Միխեիլ Սաակաշվիլին ֆեյսբուքյան իր էջում հայտնել է, որ Ուկրաինայի նախագահ Պյոտր Պորոշենկոն մոտ ապագայում «ծայրահեղ բարեփոխումներ» կիրականացնի, փոխանցում է Комсомольская правда-ն:

 

«Մոտ ապագայում նախագահ Պորոշենկոն ծայրահեղ և անհապաղ բարեփոխումներ կիրականացնի, որպեսզի մեր հերոսների զոհողություններն ապարդյուն չլինեն։ Մենք մեծ փոփոխություններ ենք ակնկալում»,- գրել է Սաակաշվիլին:

 

Քաղաքական գործիչը նշել է, որ ինքն արդեն աշխատում է այդ ոլորտում և առաջարկել է «Օդեսյան բարեփոխումների փաթեթ»:

 

Սաակաշվիլիի խոսքով՝ «քաղաքականություն են գալիս շատ երիտասարդներ, որոնք կապահովեն Ուկրաինայի փոփոխությունը դեպի լավը»։