Ցմահ ազատազրկման դատապարտված Սողոմոն Քոչարյանը պատժի հետագա կրումը կանցկացնի ազատության մեջ

13:14 • 22.10.15

Կենտրոն և Նորք-Մարաշ վարչական շրջանների ընդհանուր իրավասության դատարանը քիչ առաջ կայացրեց վճիռ՝ ցմահ ազատազրկման դատապարտված Սողոմոն Քոչարյանը պատժի հետագա կրումը կանցկացնի ազատության մեջ:

 

Վճիռը հրապարակեց դատավոր Մնացական Մարտիրոսյանը:
 

Դատարանը որոշեց՝ հաշվի առնելով ցմահ դատապարտյալի ծանր հիվանդությունը, միջնորդությունը բավարարվում է, և նա պատիժը կկրի ազատ ռեժիմ պայմաններում:


Հիշեցնենք, որ Սողոմոն Քոչարյանը Արցախյան պատերազմի մասնակից, 2-րդ կարգի հաշմանդամ, հետախույզ է, 1995թ. մահապատժի է դատապարտվել՝ Իրանի քաղաքացի Փուր Միրզա-Բեկի սպանության համար: 2003թ-ին ՀՀ Նախագահի հրամանագրով այդ դատավճիռը փոխարինվել է ցմահ ազատազրկմամբ։
 

Դահլիճում վճիռը ուղեկցվեց ծափերով: Տեղից բացականչեցին. «Ուշացած դատավճիռ»:
 

Ցմահ դատապարտյալների հարազատները հույս հայտնեցին, որ այս որոշումը կլինի պայքարի սկիզբը, և ցմահների գործերը գուցե սկսեն վերանայել: