Սանկտ Պետերբուրգում ուղևորներն ինքնաթիռի անձնակազմին ստիպել են ալկոհոլի թեստ հանձնել

15:44 • 23.10.15

Սանկտ Պետերբուրգ-Եգիպտոս թռիչքը 2.5 ժամով հետաձգվել է, քանի որ ուղևորները պահանջել են, որ ինքնաթիռի անձնակազմն օրգանիզմում ալկոհոլի մակարդակի վերաբերյալ թեստ հանձնի։

 

Ինչպես տեղեկացնում է НТВ-ն, հետաքրքրասեր ուղևորները մի քանի ժամով ուշացրել են Պետերբուրգից Շարմ էլ Շեյխ թռիչքը:

 

NordWind ավիաուղիներին պատկանող ինքնաթիռի թռիչքը նախատեսված է եղել ժամը 7:00-ին, սակայն ուղևորները պահանջել են ստուգել՝ արդյոք ինքնաթիռի անձնակազմն ալկոհոլ չի՞ օգտագործել:

 

Ինքնաթիռի հրամանատարը որոշել է իր թիմի հետ հանձնել թեստը: Այդ պատճառով էլ ինքնաթիռը եգիպտական հանգստավայր է մեկնել 2.5 ժամ ուշացումով: