Սիրիական բանակը Դամասկոսում ու Լաթաքիայում մեծ թվով ահաբեկիչների է ոչնչացրել

16:35 • 23.10.15

Սիրիական բանակը Դամասկոսի արվարձաններում մեծ թվով ահաբեկիչների է ոչնչացրել, հայտարարել է Սիրիայի զինված ուժերի պաշտոնական ներկայացուցիչ, գեներալ Ալի Մայխուբը։

 

«Դամասկոսի արվարձաններում բանակը լիակատար վերահսկողություն է սահմանել Մաջբալ շրջանում և հրետանային հարվածներ է հասցրել Արևելյան Ղուտա թաղամասի Նոլա շրջանում՝ ոչնչացնելով մեծ թվով ահաբեկիչների»,-ասել է գեներալը:

 

Ինչպես փոխանցում է «ՌԻԱ Նովոստի» գործակալությունը, նա հայտնել է, որ ավելի քան 300 ահաբեկիչ էլ ոչնչացվել է Լաթաքիա նահանգում։

 

«Լաթաքիա նահանգում ավելի քան 300 ահաբեկիչներ են ոչնչացվել, ինչպես նաև Սալմա և Սադ Բադրադուն քաղաքների մոտակայքում ռազմական մեքենաներ ու ականանետեր: Մեր զորքը վերահսկում է Ջուբ ալ-Ահմարը և Սալմա քաղաքի մի մասը»,-ասել է պաշտոնյան։