Մեկ շաբաթում ռեկորդային թվով փախստական է ժամանել Հունաստան
Հոկտեմբերի 17-21-ը 48 000 փախստական է ժամանել Հունաստան, որը ռեկորդային շաբաթական ցուցանիշ է տարվա սկզբից ի վեր: BBC-ի հաղորդմամբ` այս մասին հայտնել է միգրացիոն հարցերով Միջազգային կազմակերպությունը:
Փախստականների մեծամասնությունը Հունաստան է հասնում Թուրքիայի տարածքով: Կազմակերպության տվյալների համաձայն` տեղի իշխանությունները պատրաստ չեն ներգաղթյալների նման հոսքի:
Նշվում է, որ այս տարի, ընդհանուր առմամբ, 681 000 ներգաղթյալ է ժամանել Եվրոպա:
ՄԱԿ-ի` փախստականների հարցերը համակարգող մարմնի կարծիքով` ռուսական ավիահարվածները Սիրիայում հանգեցնում են փախստականների հոսքի մեծացմանը:










