Սիրիան պետք է պատրաստվի ընտրությունների. Լավրով

17:47 • 24.10.15

ՌԴ արտգործնախարար Սերգեյ Լավրովը վստահ է, որ Սիրիան պետք է պատրաստվի խորհրդարանական ու նախագահական ընտրությունների, քանի որ երկրում քաղաքական գործընթացներում առաջխաղացման միտում կա. տեղեկացնում է РИА Новости գործակալությունը:

 

«Սիրիայի հանդեպ, անգամ շարունակվող «հակաասադական» հռետորաբանության պայմաններում հասունանում է իրադրության ճիշտ ընկալումը: Դա մեզ հույս է տալիս, որ առաջիկայում ամեն դեպքում քաղաքական գործընթաց կսկսվի. արտաքին խաղացողների միջամտությամբ սիրիացիները կարող են նստել բանակցային սեղանի շուրջ»,- ասել է Լավրովը:


Նախարարը հավելել է, որ հակամարտության արտաքին մասնակիցներն ի վիճակի չեն լուծել Սիրիայի քաղաքական հարցերը:


«Իհարկե, պետք է պատրաստվել ընտրությունների՝ թե՛ նախագահական, թե՛ խորհրդարանական»,-ասել է Լավրովը:

 

Բացի այդ, Լավրովը տեսակետ է հայտնել, որ Եվրոպան պետք է քաղաքական  դերակատարություն ունենա սիրիական հակամարտության լուծման հարցում, քանի որ միգրացիոն ճգնաժամի ակունքները հենց այնտեղ են: