Ավտովթար Վանաձորում, տուժածների վիճակը գնահատվում է միջին ծանրության

09:34 • 26.10.15

Տարածքային կառավարման և արտակարգ իրավիճակների նախարարություն հոկտեմբերի 26-ին՝ ժամը 01.12-ին, տեղեկություն է ստացվել, որ Լոռու մարզի Վանաձոր քաղաքի Նարեկացի փողոցում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:

 

Ինչպես տեղեկացնում է ՏԿԱԻՆ կայքը, դեպքի վայր է մեկնել մեկ մարտական հաշվարկ: Պարզվել է, որ Նարեկացի փողոցի թիվ 41 շենքի մոտակայքում «Մերսեդես» մակնիշի 41 DD 001 պետհամարանիշով (վարորդ` 1984 թ. ծնված Գ. Ս.) ավտոմեքենան դուրս է եկել երթևեկելի մասից և կողաշրջվել:

 

Մինչ հրշեջ-փրկարարների կանչի վայր հասնելը ավտոմեքենայի ուղևորներ` 1964 թ. ծնված Գ. Գ.-ը և 1966 թ. ծնված Գ. Բ.-ը հոսպիտալացվել են Վանաձորի ԲԿ, որտեղ բժիշկները տուժածների առողջական վիճակը գնահատել են միջին ծանրության:

 

Հրշեջ-փրկարարները անջատել են ավտոմեքենայի մարտկոցը և փակել գազի բալոնի փականը: