ԵՄ-ն փախստականների պատճառով 400 ոստիկան կուղարկի Սլովենիա

10:06 • 26.10.15

Եվրամիությունը շաբաթվա ընթացքում 400 ոստիկան կուղարկի Սլովենիա փախստականների հոսքի ֆոնին, որոնք հայտնվում են երկրի տարածքում: Այդ մասին հայտնել է Եվրահանձնաժողովի նախագահ Ժան- Կլոդ Յունկերը, փոխանցում է Корреспондент-ը։

 

«Մենք շաբաթվա ընթացքում 400 ոստիկան կուղարկենք Սլովենիա»,- ասել է նա փախստականների հոսքի բալկանյան ճանապարհին տեղակայված երկրների առաջնորդների հետ հանդիպման արդյունքների հիման վրա:

 

Հանդիպմանը, որը կայացել է կիրակի, ներկա են եղել Ավստրիայի, Բուլղարիայի, Հունգարիայի, Գերմանիայի, Հունաստանի, Մակեդոնիայի, Ռումինիայի, Սերբիայի, Սլովենիայի, Խորվաթիայի, Ալբանիայի առաջնորդները, Եվրահանձնաժողովի, Եվրոպական խորհրդի, Եվրոպական խորհրդարանի նախագահները, ինչպես նաև փախստականների հարցով ՄԱԿ-ի գերագույն հանձնակատարը։